2017 ist es endlich wieder einmal Zeit für ein neues Gefäss. Warum nicht einmal die Musiker selbst, frisch von der Leber die Lieder ihres neuen Werks erklären lassen?
Bei dem Gefäss «In eigenen Worten» bieten wir den Musikern in unregelmässigen Abständen eine Plattform, die Bedeutung ihrer Lieder hervor zu heben, ein wenig im Universum herum zu fabulieren und die persönlichen Hits zu küren. Alles immer frisch aus dem Bauch, in gesprochener Sprache, frisch, frech, spontan und unverfälscht.
Heute zum Zug kommt das Album «Armi Hünd» des Bad Ragazer Rapkollektivs Z-Promis. Viel Spass mit den Antworten von Ziggy Mojo aka Adrian Siegrist.
1. Cooler als du
Bääng und los gots! nai, miar hend ds Testosteron nid verlora weg dr Martina. Nainainai. Eifach sona mina isch länger als dina-track kört uf jedes Album. Und au wemmer poppigi Tracks händ hemmer dr länger als du 🙂
2. Arma Hund
Gitarra, Bongo, Basedrum, biz Hi-Hat. Materialistischi Wertvorstelliga vo vielna menscha dargstellt im «Arma Hund». Könnt a Bio si vo viela Lüüt hützutags oder au im Part beschrieba, dass Menscha wo usgstossa/gmobbt werden vor Gsellschaft oftmols ihri Selbstwertgfühl dur Luxus und Standing im Bruaf ufpolieren.
3. Kai Ziit
Yeah, schöna Rapbeat. Genau de nervig Typ bruchi hüt nid. Nai di bruchi eifach nid; heb d Schnorra! thisway. Grad mina part beschribt a Obig, wo eigentlich gmüatlich xi wer, hettis de Typ nid ka am Tisch… uaa i bissa hüt no uf dem Wiikorka uma.
4. Wenn du aweg bisch
Verlust vo Menscha. Truur. Mina Vater und am Patrick sini muater; beidi öppa zur glicha Ziit im glicha Alter verlora. Das hed üs scho immer verbunda und findet uf gmeinsama Projekt immer wieder Platz.
5. Heimat
Bi dem Song müasst Muse als Liveband uf dr Bühni sto. Damn, de druckt geil ina live. Wias dr Titel seid, do bin i dahai. Oder nai; do fühli mi dahai oder überall wo iar sind, isch mis Dahai. haiaia
6. Trotz allem
Schöni Popnummera. Viel Menscha reden sooona Kääs und belanglosa Scheiss und hypen ihri Hornhuut. Trotz allem chill und gnüss ez de Track. mach der kai Gedanka über da Inhalt..
7. So funktioniart spara nid (feat. Pyro)
Yuhuu, wieder en Bangerbeat.
Was passiart, wenn dinra Frau d Kreditkarta für en Nomitag uslehnsch? Oder eigentli langed au a Stund..
8. Farbigi Freakshow
Disco, Disco!!!
Eifach Lust ka uf a Clubsong. irgendwia passter nid ufs Album, aber gnau darum hemmerna wella druf lo. Bi wellem Track kamer sus schöni girls im Video tanza lo?
9. Dach vor Welt
Doch no dr Hit ufem Album? Dia best poppig Nummera sicher. Miar gön ufs Dach vor Welt dia Nacht. Nachtleba in üsra Stadt.
10. Ob das alles stimmt
Do könntmer Muse nomol ufd Bühni hola. Also ir Hook sicher:) Biz drüber lästera, was Lüüt so machen und glauben usm Netzalltag.
11. Esmeralda Martullo
Kiiindisch nr.1
Lovesong für a Frau, womer vor allem weg da innera Wert liabt. Warum heisster denn Martullo? Weisses nid so genau, aber üs gfallter.
12. Kiiindisch nr. 2 (feat. Gimma, Hedgehog, Erich Mc, Cyphermaischter & Jawko)
Los de schön Beat. Wooow und ez ihri Stimm. Göttlich –> Radiosong. Aber hey Moment, was singt dia do?? «schwa waas?» Also wer en u schöna Song….
Die Z-Promis sind aktuell auf Tour mit dem neuen Album. Bald auch wieder in Graubünden. Schaut mal rein bei ihnen:
13.01. Galvanik Zug feat. Smith & Smart
20.01. Brennerei Mels Solo Show mit Friends
21.01. Bar 59 Luzern feat. Smith & Smart
27.01. Palazzo Bowling Chur feat. Hedgehog & Cyphermaischter
28.01. Bolgaschanza Davos feat. Möchtegäng
Mehr Infos unter www.z-promis.ch/