d’Wasserratta
D’Muater Natur – tuat üs schu viel beschera
tuat üs im Läba – über menggi Sach belehra
Jeda kriagt – was er verdiant natürli
So wia dr Trump – a affageils’s Frisürli.
Dr Beller will zur Irina ligga wia halt immer
stoht eina vur Securitas, bi ihna im Schlofzimmer
Dia tüan’s halt überall dötta stazioniara
wo’s mi’m Verkehr tuat nid so funktioniara!
As git jo Drohna – wo üs tüand überwacha
für mi kai Problem – do kann i drüber lacha
Bin i im Usgang – kumma hei uf all’na Viara
isch an dr Huustür, mini Drohna, am hyperventiliara!
Ob Bund, Kanton, Stadt wia au Gmeind
as wird plant, befohla, vor allem aber gmeint
Köpf und Idea hend’s, häsch z’Gfühl dia sind us Holz
kriagen kai Vogelgrippa denn au a Virus hät sin Stolz!
